【候選港姐視像營養師】梁懿婷妹妹亂入搶鏡范倩雯食滷水鵝木瓜湯增肥 - 頭條日報 Headline Daily

gayaanaja.blogspot.com

梁懿婷(Sonia)晚餐係打邊爐，期間15歲妹妹突然亂入夾食物。范倩雯(Charmaine)增肥晚餐係滷水鵝片及木瓜湯。

16位應屆候選港姐侯嘉欣、何孟珊、麥詩晴、范倩雯、陳楨怡、源菲然、廖慧儀、郭柏妍、梁懿婷、謝恩靈、賴琦媛、連佳麗、黃婉恩、羅雪妍、陳煦凝、鄺美璇，昨日喺stay home情況下進行直播活動，喺TVB facebook和YouTube頻道，分別有百多人及300多人收看LIVE。

活動由馮盈盈擔任主持。而接觸過游嘉欣(游嘉欣同施匡翹一齊上過戲劇班) 嘅盈盈自動報平安，表示做咗新冠肺炎嘅測試，結果係陰性，但也會繼續自我隔離。盈盈十分搶Fo，不時大講有味笑話，拎出網友為她改嘅綽號「蛋白質性博士」自嘲，又自言喜歡食蕉可以令自己每天都「蕉氣勃勃」，十分搞笑。

16位候選佳麗分成兩人一組，展示自己準備的晚餐及向營養師請教關於飲食及瘦身的問題。廖慧儀（Jessica）與源菲然(Casa)以沙律「交功課」，廖慧儀平日不愛飯，所以她的晚餐是三文魚、牛油果及蔬菜，以及少油為主，被營養師讚好，而源菲然的晚餐是炒西蘭花及翠玉瓜加兩隻烚蛋，蛋白質勉強過關。謝恩靈的晚餐就有藜麥、南瓜及雞肶肉等，獲營養師大讚。

鄺美璇(Maise)因正努力減肥，晚餐只有烚西蘭花、兩隻烚蛋及一個橙，反而范倩雯(Charmaine)表示從小到大食極唔肥想增肥，就連增肥晚餐都準備了滷水鵝片及豆腐、飯和雞腳木瓜湯，馮盈盈聽到都話：「呢個好豐胸喎！」梁懿婷(Sonia)展示嘅晚餐係容易食多咗致肥嘅邊爐，而直播期間15歲妹妹突然亂入並舉筷夾食物，Sonia解釋因為妹妹好肚餓，忍唔住要食。有網民就大讚妹妹好可愛。不過梁懿婷竟爆妹妹姓居然姓吳。

羅雪妍(Uki)被網民笑問為何頭髮凌亂，有沒有洗頭？她解釋早上去了髮型屋整頭，之後就趕住做直播。馮盈盈就替她解圍說:「唔緊要，凌亂美。」而郭柏妍自己頭髮乾燥，營養師叫她不要太偏食，她就準備了炒米粉做晚餐，內有紅蘿蔔、木耳絲、青瓜、素肉、豆腐。

馮盈盈擔任主持，並報平安。

廖慧儀（Jessica）與源菲然(Casa)以沙律「交功課」。

連佳麗(Kelly)準備了三文魚意粉，她解釋自己食不飽就會易頭暈。

廖慧儀平日不愛飯，晚餐是三文魚、牛油果及蔬菜。

謝恩靈的晚餐就有藜麥、南瓜及雞肶肉等，獲營養師大讚。

鄺美璇(Maise)因正努力減肥，堅持食蔬菜。

羅雪妍(Uki)頭髮凌亂現身。

郭柏妍嫌自己頭髮乾燥想由食療方面改善。

July 22, 2020 at 10:01AM
https://ift.tt/32Eaw89

【候選港姐視像營養師】梁懿婷妹妹亂入搶鏡范倩雯食滷水鵝木瓜湯增肥 - 頭條日報 Headline Daily

https://ift.tt/3djnYQz


Bagikan Berita Ini